Valiant Swart – Sweet 60th by Daisy Jones
Dis reg, die Mystic Boer word sestig! En ons vier dit soos net Valiant en sy mense kan. Dis nie net sy musiek wat al dekades lank die klankbaan van ons lewens inkleur nie, dis ook die tunes wat ons terugneem na laataand kuiers om die vuur, die stofstrate van Oppikoppi, kroegies op klein dorpies, teaters landwyd, en elke opskop en festival tussenin.
Maar dis nie net die musiek nie. Wat Valiant regtig next level maak, is die wonderlike vriendskappe wat oor baie jare met hom en deur hom gesmee is. Dis jý. Dis ons almal.
vir die popsterre op die klein dorpies
die digters in die kommunes,
die dropouts, die opskoppers,
die sleazegatte, die pyle
en die kripvreters se kinders
vir Elvis en Jimi en Kurt en James,
Johnny wat nie dood is nie
en die Ruiter in Swart;
vir die vrye geeste
die liefdemakers
en die sondaars
en die sweet rock ‘n rollers
So, ons nooi ál sy vriende – oud, nuut, wild en wakker – na Daisy Jones op 23 November 2025 om die groot 6-0 te vier soos net ’n Valiant crowd kan. Kom celebrate bra Valiant saam met ons. Dis meer as net ’n verjaarsdag. Dis ’n huldeblyk aan ‘n legende.
Sondag 23 November 2025
Daisy Jones, Stellenbosch
Deure: 13h00
Kaartjies R260 aanlyn by Quicket
